Yangiyoʻl shahrida boʻlib oʻtgan tekshiruvlar davomida “Lacetti” rusumli, 10P704QA davlat raqam belgili avtomobilga ruxsat etilmagan tovush chiqaruvchi maxsus qurilma oʻrnatgan haydovchiga nisbatan bayonnoma tuzilib, avtomobil vaqtincha saqlash uchun jarima maydoniga qoʻyildi.

Maʼlumot oʻrnida, tegishli ruxsat olmay turib transport vositalariga tovush chiqaruvchi va yorituvchi maxsus qurilmalarni oʻrnatish — ana shu qurilmalarni musodara qilib, fuqarolarga bazaviy hisoblash miqdorining bir baravaridan uch baravarigacha, mansabdor shaxslarga esa — uch baravaridan besh baravarigacha miqdorda jarima solishga sabab boʻladi.