Bugun, 2022-yil 23-yanvar kuni, Toshkent viloyati, Boʻstonliq tumaniga kirish hududida (4P12 avtomobil yoʻlining 31-kilometri)da YPX xodimi E.Tayloqov tomonidan davlat raqam belgisi yashirilgan holda harakatlanib ketayotgan “Toyota land cruiser” rusumli avtomobil haydovchisi toʻxtatilgan. Tekshiruv davomida avtomobilga ruxsat etilmagan mayoqchalar (migalka) oʻrnatilganligi ham maʼlum boʻlgan. Ushbu qoidabuzarliklar boʻyicha haydovchi, 2001-yilda tugʻilgan I.F. ga nisbatan Oʻzbekiston Respublikasi Maʼmuriy javobgarlik toʻgʻrisidagi Kodeksning 127-moddasi ikkinchi qismi tartibida bayonnoma tuzilib, transport vositasi ushbu Kodeksning 291-moddasiga koʻra, vaqtincha saqlash uchun jarima maydoniga qoʻyilgan.

Barcha haydovchilardan qoidalarga rioya qilishlarini, ota-onalardan esa, yetarli tajribaga ega boʻlmagan yosh farzandlariga eʼtiborli boʻlishlarini soʻraymiz.