Ijtimoiy tarmoqda “Cobalt” rusumli, 10F005AA davlat raqam belgili avtomobilga ruxsat etilmagan moslama, yaʼni “migalka” oʻrnatilganligi aks etgan video tarqaldi.

Video yuzasidan Toshkent viloyati IIBB YHXB xodimlari tomonidan surishtiruv olib borilib, ushbu “Cobalt” rusumli, 10F005AA davlat raqam belgili avtomobil haydovchisi, 2002-yilda tugʻilgan F.X.ga nisbatan Oʻzbekiston Respublikasi Maʼmuriy javobgarlik toʻgʻrisidagi Kodeksning 127-moddasi ikkinchi qismi tartibida bayonnoma tuzilib, avtomobil vaqtincha saqlash uchun jarima maydoniga qoʻyildi.

Barcha haydovchilardan qoidalarga rioya qilishlarini soʻraymiz.