O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining xabariga ko‘ra, Bosh prokuratura huzuridagi Departamentning Qorovulbozor tuman bo‘limi tomonidan DXX xodimlari bilan hamkorlikda o‘tkazilgan tezkor tadbirda fuqaro I.X. fuqaro N.F.ning 1980-yilda ishlab chiqarilgan avtotransport vositasiga go‘yoki IIB YHXB tizimida ishlovchi tanishlari yordamida suyultirilgan gaz uskunasi o‘rnatish uchun ruxsatnoma olib berish evaziga 700 AQSH dollarini olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 25, 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.