2021-yil 31-dekabrdan 2022-yil 10-yanvar kuniga qadar Boʻstonliq tumanining “Amirsoy” togʻli dam olish maskanlariga olib boruvchi yoʻlda xavfsizlikni va yoʻlning oʻtkazuvchanlik imkoniyatini inobatga olgan holda vaqtincha bir tomonlama harakatlanish tashkil etilganligi haqida xabar berilgan edi.

Ayni kunlarda Boʻstonliq tumanining togʻli hududlaridagi dam olish maskanlariga tashrif buyuruvchilar soni keskin ortganligi, dam olish maskanlari atrofidagi avtoturargohlar transportlar bilan toʻlganligi, ushbu hududda ishchi guruh tuzilib harakat xavfsiligini taʼminlash boʻyicha faoliyat olib bormoqda.

Barcha fuqarolardan ushbu vaziyatni toʻgʻri baholab, holatdan odilona yoʻl bilan chiqishni soʻrab qolamiz.

Haydovchilardan esa:

- spirtli ichimlik isteʼmol qilib, rul boshqaruviga oʻtirmasliklarini;

- belgilangan tezlik talablariga hamisha amal qilishlarini;

- YPX xodimlarining ishoralariga rioya qilishlarini soʻraymiz.

Oʻzingizni asrang!