Oʻzbekiston Respublikasi Prezidentining 2022-yil 12-iyuldagi “2022 — 2026-yillar davomida amalga oshirilishi moʻljallangan “Xavfsiz va ravon yoʻl” umummilliy dasturini tasdiqlash toʻgʻrisida”gi PQ-316-son qarorining toʻrtinchi bandida hamda Oʻzbekiston Respublikasi Vazirlar Mahkamasining 2022-yil 26-apreldagi “Taʼlim muassasalarida yoʻl harakati qoidalari targʻibotini kuchaytirish chora-tadbirlari toʻgʻrisida”gi 212-son qarorida belgilangan vazifalarning bajarilishi holati boʻyicha tegishli vazirlik va idoralarning masʼul xodimlari ishtirokida joriy yilning 31-oktyabr kuni uchrashuv oʻtkazilib, manzilli choralar koʻrilishi belgilab olingan edi.

Bugun, 2022-yil 22-noyabr kuni IIV JXD YHXX binosida koʻrilgan choralar, amalga oshirilgan ishlar boʻyicha muhokama yigʻilishi boʻlib oʻtdi. Unda har bir vazirlik va idoralarning masʼul xodimlari tomonidan avvalgi uchrashuvdan soʻng bugunga qadar olib borilgan ishlar toʻgʻrisida yigʻilish qatnashchilariga maʼlumotlar yetkazildi.

Hukumat tomonidan belgilangan vazifalarning sifatli, manzilli va samarali bajarilishi yuzasidan takliflar, rejalar yana bir bor muhokama etilib, qarorlar ijrosi boʻyicha oʻzaro hamkorlikni yanada kuchaytirish masalasiga alohida eʼtibor qaratildi.