Namangan viloyati IIB JXX YHXB xodimlari tomonidan viloyat IIB tasarrufidagi "Moychechak" nomli MTT tarbiyalanuvchilari bilan "Yo‘l harakati intizomi bolalikdan boshlanadi" shiori ostida targ‘ibot uchrashuvi o‘tkazildi.

Uchrashuv davomida bolajonlarning yo‘l harakati qoidalari borasidagi bilimlari sinovdan o‘tkazildi. Shuningdek, piyodalar bilan bog‘liq yo‘l-transport hodisasi yuzaga kelganda birinchi yordam ko‘rsatish jarayonlari bolalar ishtirokida sahnalashtirildi.

Uchrashuv yakunida tarbiyalanuvchilarga yo‘l belgilarining rangsiz suratlarini rangli ko‘rinishga keltirish vazifasi berildi. Bolajonlar ushbu topshiriqni ham a’lo darajada bajarishdi.

Bolalarga yoshlikdan yo‘l qoidalarini o‘rgatib borish kelgusida ular bilan bog‘liq salbiy hodisalar kamayishida muhim ahamiyatga ega.