Наманган вилояти ИИБ ЖХХ ЙҲХБ ходимлари томонидан вилоят ИИБ тасарруфидаги "Мойчечак" номли МТТ тарбияланувчилари билан "Йўл ҳаракати интизоми болаликдан бошланади" шиори остида тарғибот учрашуви ўтказилди.

Учрашув давомида болажонларнинг йўл ҳаракати қоидалари борасидаги билимлари синовдан ўтказилди. Шунингдек, пиёдалар билан боғлиқ йўл-транспорт ҳодисаси юзага келганда биринчи ёрдам кўрсатиш жараёнлари болалар иштирокида саҳналаштирилди.

Учрашув якунида тарбияланувчиларга йўл белгиларининг рангсиз суратларини рангли кўринишга келтириш вазифаси берилди. Болажонлар ушбу топшириқни ҳам аъло даражада бажаришди.

Болаларга ёшликдан йўл қоидаларини ўргатиб бориш келгусида улар билан боғлиқ салбий ҳодисалар камайишида муҳим аҳамиятга эга.