Namangan viloyati IIB JXX YHXB hamda viloyat XTB rahbarlari tomonidan taʼlim muassasalari direktor va oʻqituvchilari ishtirokida yigʻilish tashkil etildi. Unda oʻtgan 2022-yil davomida viloyat hududida sodir boʻlgan avtohalokatlar va ularda oʻquvchilarning ishtiroki borasida maʼlumotlar yetkazildi.

Afsuski, sodir boʻlgan yoʻl-transport hodisalari natijasida vafot etgan yoki tan jarohati olganlar orasida maktab oʻquvchilari ham mavjud. Yigʻilish davomida joriy yilda bu kabi salbiy hodisalarni oldini olish borasida lozim chora-tadbirlar belgilandi.

Shuningdek, barcha maktablarda Yoʻl harakati qoidalarini oʻrgatishga moʻljallangan maxsus sinfxonalar va maydonchalarni tashkil etishga kelishib olindi. Oʻquvchilarning xavfsiz harakatini taʼminlashda YHXB, XTB va ota-onalarning hamkorligi muhim ahamiyatga egaligi alohida taʼkidlandi.