Bugun, 2023-yil 5-iyun kuni soat 10:00 dan boshlab Toshkent viloyati, Bo‘stonliq tumaniga olib boruvchi davlat ahamiyatiga ega bo‘lgan 4P12 “Bektemir-Chorbog‘ q” avtomobil yo‘lining 32-kilometrida (Bo‘stonliq va Yuqorichirchiq tumanlari chegarasida joylashgan ko‘prik) joylashgan ko‘prikning "Toshkent-Chorbog‘" yo‘nalishidagi qismi yopiladi.

"Chorbog‘-Toshkent" yo‘nalishdagi qismida esa ikki tomonlama harakat tashkil etiladi.

Mazkur joyda ogohlantiruvchi va yo‘nalish ko‘rsatuvchi barcha tegishli yo‘l belgilari o‘rnatildi.

Haydovchilardan hushyorlikni oshirib, harakat xavfsizligini ta’minlayotgan YPX xodimlarining ishoralariga va o‘rnatilgan yo‘l belgilariga e’tiborli bo‘lib harakatlanishlarini so‘raymiz.