Bugun, 2022-yil 21-noyabr kuni soat 05:15 larda, Surxondaryo viloyati, Boysun tumani hududida YHXB hamda boshqa sohaviy xizmatlarning xodimlari hamkorligidagi tezkor tadbir davomida “Toshkent-Denov” yoʻnalishida harakatlanib kelayotgan “Isuzu” rusumli yuk avtomobili toʻxtatilgan. Tekshiruv davomida avtomobilning yukxonasidagi xoʻjalik mollari orasidan yashil rangli qoplarga solingan, jami 27 dona katta qutilar ichida “Британик”, “Трения” yozuvli pirotexnika vositalari olib ketilayotganligi aniqlangan.

Holat boʻyicha tegishli hujjatlar rasmiylashtirilib, haydovchi va aniqlangan pirotexnika vositalari viloyat IIBga topshirilgan.

Yoʻllarda tekshiruvlar davom etmoqda...