FVV xabariga koʻra, joriy yilning 16-17-dekabr kunlari A-373 “Toshkent-Oʻsh” avtomobil yoʻlinimg “Qamchiq” dovoni qismida favqulodda vaziyatlarning oldini olish va bunday vaziyatlarda harakat qilish davlat tizimi (FVDT) boshqaruv organlari hamda kuch va vositalarining dovon hududida tabiiy, texnogen xususiyatli favqulodda vaziyatlardan muhofaza qilish boʻyicha harakatlariga bagʻishlangan qoʻmondonlik-shtab oʻquv mashqlari oʻtkaziladi.

Mazkur oʻquv mashqlarini tashkil qilishdan maqsad – FVDT rahbarlar tarkibi kuch va vositalarining favqulodda vaziyatlarda toʻgʻri harakatlanishga oid tayyorgarlik darajasini oshirish, aholini favqulodda vaziyatlardan muhofaza qilish boʻyicha tadbirlarning samaradorligini oshirishdan iborat.

“Oʻz navbatida, fuqarolarimizdan mazkur oʻquv mashqlarining amaliy jarayonlariga oid materiallarni notoʻgʻri talqin qilmaslik, balki mavjud maʼlumot va axborotlardan unumli hamda oqilona foydalanishni soʻrab qolamiz.” - deyiladi xabarda.