"Toshshahartransxizmat" AJ Axborot xizmatining xabariga ko‘ra, kirib kelayotgan Yangi yil bayrami munosabati bilan "Yangi O‘zbekiston" bog‘iga tashrif buyuruvchi fuqarolar va poytaxtimiz mehmonlariga sifatli va qulay transport xizmatini ko‘rsatish maqsadida, "Toshshahartransxizmat" AJ tomonidan joriy yilning 20 dekabr kunidan boshlab, 2022 yilning 10 yanvar kuniga qadar "Do‘stlik metrosi - Yangi O‘zbekiston bog‘i" yo‘nalishida harakatlanuvchi maxsus bepul avtobuslar qatnovi yo‘lga qo‘yildi.

Ushbu avtobus yo‘nalishi soat 08:00 dan, 22:00 ga qadar harakatlanib, avtobusning harakat jadvallari soni - 6 ta, harakatlanish vaqti esa - 10-11 daqiqa oralig‘ida tashkil etilgan.