Ijtimoiy tarmoqda Buxoro viloyati, Buxoro shahrining markaziy koʻchalarida davlat raqam belgisi boʻlmagan “Lacetti” rusumli avtomobil harakatlanib yurganligi aks etgan video tarqaldi.

Video yuzasidan Buxoro viloyati IIB YHXB xodimlari tomonidan surishtiruv olib borilib holatga aniqlik kiritildi va “Lacetti” rusumli, 80A100RA davlat raqam belgili avtomobil haydovchisi, 1998-yilda tugʻilgan X.S. ga nisbatan Oʻzbekiston Respublikasi Maʼmuriy javobgarlik toʻgʻrisidagi Kodeksning 125-moddasi 5-qismi tartibida bayonnoma tuzildi.

Barcha haydovchilardan qoidalarga rioya qilishlarini soʻraymiz.