Buxoro shahrining markaziy ko‘chalaridan birida qarama-qarshi yo‘nalishda hamda qoidabuzarligini davom ettirib svetoforning taqiqlovchi ishorasiga rioya qilmasdan harakatlangan "Cobalt" rusumli, 80S676OA davlat raqam belgili avtomobil haydovchisi jamoatchilik nazorati vakillarining murojaatiga ko‘ra zudlik bilan aniqlanib, Buxoro shahar IIO FMB YHXB xodimi tomonidan bayonnoma tuzildi.

Haydovchi Sh. G. ga nisbatan o‘rnatilgan tartibga ko‘ra BHMning o‘n baravari, ya’ni 2.450.000 so‘m miqdorida jarima belgilandi.

Barcha haydovchilardan qoidalarga rioya qilishlarini so‘rab, qoidabuzarliklarga befarq bo‘lmagan jamoatchilik nazorati vakillariga minnatdorchilik bildiramiz.