Ichki ishlar vazirligi Jamoat xavfsizligi departamenti Yoʻl harakati xavfsizligi xizmati tomonidan yoʻllarda harakatlanish madaniyatini targʻib qilish maqsadida #Harakatlanish_madaniyati_uchun xeshtegi bilan joriy yilning 28-noyabr kuni videoroliklar chellenjiga start berilgan edi.

Yoʻllarda qoidalarga rioya qilish va harakatlanish madaniyati yanada chuqurroq tarzda aks ettirilgan, kuzatuvchilar tomonidan eng koʻp “LIKE”lar qoʻyilgan hamda mutaxassislar tomonidan sifat va mazmun jihatdan yuqori baholangan videoroliklar tayyorlaganliklari uchun quyidagi ishtirokchilar:

1-oʻringa - Mashrapov Otabek Xojiakbar oʻgʻli;

2-oʻringa - Abduvoxidov Muhammad Ali Xotam oʻgʻli hamda Mirzabekov Bekzod Turdibek oʻgʻli;

3-oʻringa - Xayriddinova Matluba Halimjanovna va Muxitdinov Firdavs munosib deb topildilar.

Qolgan qatnashchilar tomonidan yuborilgan videoroliklar uchun Ichki ishlar vazirligi Jamoat xavfsizligi departamenti Yoʻl harakati xavfsizligi xizmati boshligʻi tashakkurnomasi taqdim etiladi.

Yoʻllarda qoidalarga rioya qilgan holda va madaniyat bilan harakatlanishni targʻib etish maqsadida ushbu chellenjda faol ishtirok etgan barcha qatnashchilarga minnatdorchilik bildiramiz.