Oʻzbekiston Respublikasi Vazirlar Mahkamasining 2022-yil 8-iyuldagi 377-son qaroriga asosan “Chinor” va “Namangan” yoʻl-patrul xizmati maskanlarida “yashil” va “qizil” yoʻlak tizimini ishga tushishi, hamda ichki ishlar organlari faoliyatida ochiqlik va shaffoflikni taʼminlash, yoʻl harakati xavfsizligi sohasida amalga oshirilayotgan islohotlar, mavjud muammolar va ularning yechimini muhokama qilish hamda jamoatchilik va OAV bilan ochiq muloqotni tashkil etish maqsadida Ichki ishlar vaziri oʻrinbosari Jamoat xavfsizligi departamenti boshligʻi va Yoʻl harakati xavfsizligi xizmati boshligʻi ishtirokida joriy yilning 3-dekabr kuni Toshkent viloyatida joylashgan “Chinor” YPX maskanida jurnalist va blogerlar uchun press-tur va matbuot anjumani oʻtkaziladi.

Press-tur va matbuot anjumani qatnashchilari joriy yilning 3-dekabr kuni soat 09:00 da Toshkent shahar, Mirzo Ulugʻbek tumani, Mustaqillik shoh koʻchasi 71-uyda joylashgan Yoʻl harakati xavfsizligi xizmati binosi oldida yigʻiladilar va maxsus kuzatuv ostida manzilga olib boriladilar.

Press-tur va matbuot anjumani boʻyicha (71) 267-63-04, (97) 177-70-40 telefon raqamlariga qoʻngʻiroq qilishlari mumkin.

Marhamat ishtirokingizni kutamiz.

IIV JXD YHXX Axborot xizmati