Ohangaron tumanida joylashgan "Chinor" YPX maskanidagi tekshiruvlar davomida:

- 2021-yil 19-dekabr kuni soat 07:00 larda Toshkent viloyati, Ohangaron tumanida joylashgan "Chinor" YPX maskanida xizmat olib borayotgan YPX xodimlari I.Xusanov, F.Kuydimurodov va viloyat bojxona boshqarmasi xodimi S.Sheyxovlar tomonidan "Qo‘qon-Toshkent" yo‘nalishida harakatlanib kelayotgan "Cobalt" rusumli avtomobil haydovchisi to‘xtatilib tekshirilganda, transport vositasining yukxonasida tegishli hujjatlari bo‘lmagan 115 quti "MOND" va 48 quti "ZUMERRET" nomli tamaki mahsulotlari olib ketilayotganligi ma’lum bo‘lgan.

Holat yuzasidan tegishli hujjatlar rasmiylashtirilib, haydovchi M.O. va aniqlangan mahsulotlar tuman IIBga topshirilgan;

- 2021-yil 19-dekabr kuni soat 07:40 larda Toshkent viloyati, Ohangaron tumanida joylashgan "Chinor" YPX maskanida xizmat olib borayotgan YPX xodimlari I.Xusanov va A.Norinboyevlar tomonidan "Qo‘qon-Toshkent" yo‘nalishida harakatlanib kelayotgan "Gazel-330202" rusumli yuk avtomobil haydovchisi to‘xtatilib tekshirilganda, transport vositasining yukxonasida tegishli hujjatlari bo‘lmagan, xorijiy mamlakatda ishlab chiqarilgan changyutgich moslamalari olib ketilayotganligi ma’lum bo‘lgan.

Holat yuzasidan tegishli hujjatlar rasmiylashtirilib, haydovchi, 1977-yilda tug‘ilgan N.R. va aniqlangan vositalar tuman IIB xodimlariga topshirilgan.

Tekshiruvlar davom etmoqda.