Joriy yilning 7-sentabr kuni Toshkent viloyati, Ohangaron tumanida joylashgan "Chinor" YPX maskanida xizmat olib borgan YPX inspektori X.Zakirov tomonidan "Spark" rusumli avtomobil haydovchisi to‘xtatilgan. Tekshiruv davomida yo‘lovchi, 1982-yilda tug‘ilgan D.A. o‘zining turli xatti-harakatlari bilan shubxa uyg‘otgan. Xolis va guvohlar ishtirokidagi tekshiruv davomida yo‘lovchining yuk xaltasida, oq sellofan paketda giyohvandlik moddasiga o‘xshash qora rangli, o‘tkir hidli, saqichsimon modda topilgan.

Ushbu holat tegishli tartibda rasmiylashtirilib, fuqaro D.A. va aniqlangan modda Ohangaron tumani IIBga topshirilgan.