Joriy yilning 9-dekabr kuni soat 02:15 larda, Toshkent viloyati, Ohangaron tumanida joylashgan “Chinor’’ YPX maskanida xizmat olib borayotgan YPX xodimlari tomonidan, Toshkent shahri tomonga harakatlanib kelayotgan, haydovchi, 1982-yilda tug‘ilgan B.A. boshqaruvidagi “Kia-Bongo” rusumli yuk avtomobili to‘xtatilib tekshirilganda, yukxonasida tegishli hujjatlari bo‘lmagan 57 dona “QLED-TV” nomli televizor va 100 dan ortiq “Smart-Box” qurilmasi olib ketilayotganligi aniqlangan.

Mazkur holat yuzasidan tegishli hujjatlar rasmiylashtirilib, fuqaro B.A. va aniqlangan buyumlar Toshkent viloyati Bojxona boshqarmasi kontrabandaga qarshi kurashish bo‘limi xodimlariga topshirilgan.