Joriy yilning 9-yanvar kuni soat 21:50 larda, Toshkent viloyati, Ohangaron tumanida joylashgan “Chinor” YPX maskanida xizmat olib borayotgan YPX xodimlari tomonidan, “Lacetti” rusumli avtomobil toʻxtatilib tekshirilganida, avtomobilning yukxonasida tegishli hujjatlari boʻlmagan “Milano” hamda "Esse-Change” nomli, jami 4500 quti tamaki mahsulotlari olib ketilayotganligi aniqlangan.

Mazkur holat yuzasidan tegishli hujjatlar rasmiylashtirilib, haydovchi Y.U. va aniqlangan mahsulotlar Toshkent viloyati bojxona boshqarmasiga topshirilgan.