Joriy yilning 2-sentabr kuni soat 15:00 larda “Toshkent viloyati IQM” filiali Chirchiq uchastkasida kran boshqaruvchi bo‘lib ishlovchi, 1983-yilda tug‘ilgan fuqoro P. D. g‘arazgo‘ylik yo‘li bilan daromad orttirish maqsadida, o‘zi ishlab kelayotgan joyga borib, “Toshkent viloyati IQM”ga qarashli, qora metall parchalari va chiqindisi (truba)larni yashirin tarzda talon-toroj qilib, o‘zi tomonidan oldindan 200.000 (ikki yuz ming) so‘m pul evaziga gaplashilgan "Zil-130" rusumli yuk avtomobiliga yuklab, noma’lum tomonga olib ketayotgan vaqtida, Chirchiq shahrida xizmat vazifasini bajarayotgan YPX inspektori J.Atajanov tomonidan to‘xtatilgan. Tekshiruv davomida tegishli xujjatlarsiz qora metall parchalari va chiqindisi olib ketilyotganligi aniqlangan.

Mazkur holat yuzasidan olib borilgan tergovga qadar tekshiruv xarakatlari davomida ushbu avtomobil haydovchisi S. M. dan ashyoviy dalil tariqasida olingan qora metall parchalari va chiqindi (truba)larning sof og‘irligi 6860 (olti ming sakkiz yuz oltmish) kilogrammni tashkil etganligi, “Toshkent viloyati IQM” filiali tomonidan olingan ma’lumotga ko‘ra, ushbu qora metall parchalari va chiqindisining umumiy qiymati 13.726.860 (o‘n uch million yetti yuz yigirma olti ming sakkiz yuz oltmish) so‘mni tashkil etishi aniqlangan.

Mazkur holat yuzasidan Chirchiq shahar IIO FMB huzuridagi TB tomonidan fuqaro P. D. ga nisbatan O‘zbekiston Respublikasi Jinoyat Kodeksining 169-moddasi 1-qismi bilan jinoyat ishi qo‘zg‘atilgan.