2021-yil 20-oktabr kuni soat 14:15 larda Chirchiq shahrida yashovchi, 1998-yilda tug‘ilgan fuqoro N.J. Chirchiq shaxar IIBga murojaat qilib, Arancha qo‘rg‘oni, Sharq ko‘chasi 94-uy oldida turgan “Spark” rusumli avtomobili noma`lum shaxs tomonidan olib qochilganligini ma’lum qilgan.

Toshkent viloyati IIBB YHXB xodimlari tomonidan olib borilgan tezkor qidiruv va surishtiruv ishlari natijasida ushbu avtomobil Chirchiq shahar IIB YHXB boshlig‘i I.Umarov tomonidan topilgan.

Dastlabki tergov oldi surishtiruv ishlari natijasiga ko‘ra, avtomobilni 2000-yilda tug‘ilgan, Chirchiq shahrida yashovchi M.P. olib qochganligi ma’lum bo‘lgan.

Holat yuzasidan Chirchiq shahar IIB huzuridagi TB tomonidan O‘zbekiston Respublikasi Jinoyat Kodeksining 267-moddasi 1-qismi bilan jinoyat ishi qo‘zg‘atilib, dastlabki tergov harakatlari olib borilmoqda.