Yoʻllarda YPX xodimlari tomonidan tekshiruvlar davomida, davlat raqam belgisi boʻlmagan transport vositalari toʻxtatilgan vaqtda, koʻp holatlarda mazkur avtomobillar haydovchilari davlat raqam belgisini oʻzboshimchalik bilan yechib harakatlanganligi aniqlanmoqda.

Oʻzaro suhbat jarayonida haydovchilar qoidalarni chetlab oʻtgan vaqtda yoʻllardagi kuzatuv kameralariga tushib qolmaslik maqsadida avtomobil davlat raqam belgisini yechib harakatlanganliklarini taʼkidlashmoqda. Mazkur qoidabuzarlik yuzasidan tegishli chora koʻrilib, transport vositalari vaqtincha saqlash uchun jarima maydoniga joylashtirilgan.

Barcha haydovchilardan qoidalarga rioya qilishlarini soʻraymiz.