Xalqaro ahamiyatdagi M-39 avtomobil yoʻlining Toshkent viloyati hududida “Malibu” rusumli avtomobil toʻxtatilib tekshirilganda, davlat raqam belgisini toʻgʻri aniqlanishiga xalaqit beruvchi qoplama surtib olinganligi maʼlum boʻldi. Haydovchiga nisbatan bayonnoma tuzilib, avtomobil vaqtincha saqlash uchun jarima maydoniga qoʻyildi.

Maʼlumot oʻrnida, davlat raqam belgilarini koʻrish imkoniyatini cheklaydigan, ularni anglashga toʻsqinlik qiladigan turli ashyolar oʻrnatish va qoplama surtish — fuqarolarga bazaviy hisoblash miqdorining bir baravaridan uch baravarigacha, mansabdor shaxslarga esa — uch baravaridan besh baravarigacha miqdorda jarima solishga sabab boʻladi.