Tekshiruvlar davomida:

- 2022-yil 29-mart kuni soat 19:30 larda, Chilonzor tumanida joylashgan “Erkin” YPX maskanida xizmat olib borayotgan YPX xodimlari N.Djumanazarov va A.Tojiyevlar tomonidan, Toshkent viloyatidan poytaxtga kirib kelayotgan, “Malibu” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1998-yilda tugʻilgan I.T.ning yonidan 5000 (besh ming) soʻmlik pul kupyurasiga oʻralgan, yashil rangli, oʻtkir hidli, quritilgan oʻsimlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro I.T. va aniqlangan modda Chilonzor tumani IIO FMBga topshirilgan.

- 2022-yil 29-mart kuni soat 13:50 larda, Yunusobod tumanida joylashgan “Uch qahramon” YPX maskanida xizmat olib borayotgan YPX xodimlari T.Raximov va S.Zoirovlar tomonidan, Toshkent viloyatidan poytaxtga kirib kelayotgan “Spark” rusumli avtomobil toʻxtatilib, haydovchi, 1997-yilda tugʻilgan F.T.ning maʼlumotlari planshet moslamasi yordamida, maxsus dastur orqali tekshirilganda, fuqaro F.T. Oʻzbekiston Respublikasi Jinoyat Kodeksining 168-moddasi 2-qismi bilan ayblanib, 2022-yil 26-yanvar kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro F.T. Yunusobod tumani IIO FMBga topshirilgan.