“Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-816-son Qonunga muvofiq, Ichki ishlar vazirligi avtomototransport vositalari va shahar elektr transporti vositalari haydovchilarini tayyorlash hamda qayta tayyorlashni litsenziyalash boʻyicha vakolatli organ etib belgilangan.

Mazkur vakolat asosida birinchi bor Fargʻona viloyatining Qoʻqon shahrida “Vatanparvar” oʻquv tashkilotiga qarashli avtomaktab faoliyatini boshlash boʻyicha litsenziya berildi.

Avtomaktabning ochilish marosimi taklif etilgan mehmonlar ishtirokida tantanali tarzda boʻlib oʻtdi.