2023-yil 8-fevral kuni Fargʻona viloyati IIB ikkinchi mintaqaviy hudud YPX xodimi S.Qoʻldoshev Qoʻqon shahar A.Navoiy koʻchasida harakatlanib kelayotgan “Nexia-3” rusumli avtomobilni toʻxtatgan. Muloqot vaqtida haydovchini spirtli ichimlik isteʼmol qilganlikda gumonlagan va tekshiruvdan oʻtishga taklif etgan. Tekshiruv natijasiga koʻra, haydovchida mastlik holati mavjudligi aniqlangan.

Shundan soʻng, haydovchi Z.Gʻ. sodir etgan huquqbuzarligi uchun qonuniy chora koʻrmaslik evaziga YPX xodimiga pora taklif qilgan.

YPX inspektori IIB boshligʻiga bildirgi orqali murojaat qilib, fuqaro Z.Gʻ.ning noqonuniy taklifi boʻyicha tegishli chora koʻrilishini soʻragan.

Sohaviy xizmat xodimlari hamkorligida tezkor tadbir oʻtkazilib, haydovchi Z.Gʻ. YPX xodimiga 200 (ikki yuz) AQSH dollari miqdoridagi pullarni pora tariqasida berayotgan vaqtda ushlangan.

Hozirda holat boʻyicha tergov harakatlari olib borilmoqda.

Shuningdek, joriy yilning 10-fevral kuni Fargʻona viloyati IIB JXX YHXB YPX xodimi E.Begmatov tomonidan “Damas” rusumli transport vositasi haydovchisi M.X.ga nisbatan spirtli ichimlik isteʼmol qilib, mast holda transport vositasini boshqarganligi boʻyicha oʻrnatilgan tartibda maʼmuriy bayonnoma rasmiylashtirilgan.

Shundan soʻng, haydovchi M.X.ning qarindoshi Sh.A. YPX xodimining yoniga kelib haydovchi M.X.ga nisbatan maʼmuriy tartibda chora koʻrilmaslik va transport vositasini jarima maydonidan chiqarib berish evaziga 5.000.000 (besh million) soʻm miqdoridagi pullarni pora tariqasida taklif qilgan.

YPX xodimining bildirgisi asosida sohaviy xizmat xodimlari hamkorligida tezkor tadbir oʻtkazilib, fuqaro Sh.A. Fargʻona shahrida joylashgan jarima maydonida YPX xodimiga 5.000.000 (besh million) soʻm miqdoridagi pullarni pora tariqasida bergan vaqtda ushlangan.

Hozirda holat yuzasidan Iqtisodiy jinoyatlarga qarshi kurashish departamenti Fargʻona viloyat boshqarmasi tomonidan tergov harakatlari olib borilmoqda.

Shuningek, joriy yil 11-fevral kuni Fargʻona viloyati IIB JXX YHXB YPX xodimi I.Xayrullayev tomonidan “Damas” rusumli transport vositasi haydovchisi Sh.M.ga nisbatan spirtli ichimlik isteʼmol qilib, mast holda transport vositasini boshqarganligi boʻyicha oʻrnatilgan tartibda maʼmuriy bayonnoma rasmiylashtirilgan.

Shundan soʻng, fuqaro Sh.M. Qoʻqon shahar IIB YHXB xodimi I.Qambarovning yoniga kelib qoidabuzarlik holati boʻyicha tegishli chora koʻrilmasligini soʻrab 200 (ikki yuz) AQSH dollari miqdoridagi pullarni pora tariqasida taklif qilgan.

YHXB xodimi IIB boshligʻiga bildirgi orqali murojaat qilib, fuqaro Sh.M.ning noqonuniy taklifi boʻyicha tegishli chora koʻrilishini soʻragan.

Sohaviy xizmat xodimlari hamkorligida tezkor tadbir oʻtkazilib, haydovchi Sh.M. YHXB xodimiga 200 (ikki yuz) AQSH dollari miqdoridagi pullarni pora tariqasida berayotgan vaqtda ushlangan.

Hozirda holat boʻyicha tergov harakatlari olib borilmoqda.