Yozgi ta’til davomida bolalarning bo‘sh vaqtini mazmunli o‘tkazish maqsadida Ichki ishlar vazirligi YHXBB tashabbusi bilan Farg‘ona viloyati IIB hamkorligida Farg‘ona shahrida joylashgan “Drujba” bolalar oromgohida “Xavfsizlik bolalar nigohi bilan!” shiori ostida tadbir bo‘lib o‘tdi. Ushbu tadbirda asosiy e’tibor bolalar ishtirokidagi YTHlarni oldini olish hamda ular o‘rtasida yo‘l harakati qoidalarini targ‘ib qilishga qaratildi.

Tadbirda 8-13 yoshli bolalar ishtirok etib, ular tomonidan favquloddagi vaziyatlar sodir bo‘lganda ularning xatti-harakatlari ko‘rsatildi, bundan tashqari tadbirda ishtirok etgan ekspertlar (viloyat IIB, YHXB, FVB, Tibbiyot xodimlari) tomonidan bolalarga qo‘shimcha viktorina savollari berildi. Viloyat IIB YHXB YPX inspektori tomonidan yo‘l harakati qoidalari bo‘yicha bolalar maydonchasida amaliy mashg‘ulotlar o‘tkazildi. Tadbir yakunida har ikkala jamoa ishtirokchilariga kubok, diplom va esdalik sovg‘alari topshirildi.

Bu kabi tadbirlarni tashkil etishdan maqsad - bolalarni yoshligidanoq qoidalarga amal qilishga o‘rgatish bo‘lib, shu orqali kelgusida ular ishtirokidagi sodir bo‘lishi mumkin bo‘lgan yo‘l-transport hodisalarining oldini olishdir.