Bugun, 5-avgust kuni IIV JXD Yo‘l harakati xavfsizligi xizmati binosida mas’ul xodimlar hamda dunyo bo‘yicha eng zamonaviy simulyatorlarni ishlab chiqaruvchi "Forum8" kompaniyasi vakillari ishtirokida uchrashuv bo‘lib o‘tdi.

"Forum8" Yaponiyaning eng zamonaviy 3D simulyasiya dasturiy ta’minoti ishlab chiqaruvchisi hisoblanadi. Uchrashuv davomida haydovchilikka nomzodlarni tayyorlashda mazkur kompaniya tomonidan mukammal tarzda ishlab chiqarilayotgan simulyatorlardan foydalanishni yo‘lga qo‘yish borasida o‘zaro hamkorlik masalalari ko‘rib chiqilib, kelgusidagi rejalar muhokama qilindi.