YPX xodimlari tomonidan tekshiruvlar davomida:

- 2021-yil 22-dekabr kuni soat 13:20 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari C.Topilov va B.Nugmonovlar tomonidan, Toshkent viloyatidan poytaxtga kirib kelayotgan "Spark" rusumli avtomobil to‘xtatilib, xolis va guvohlar ishtirokida tekshirilganida, haydovchi, 1988-yilda tug‘ilgan N.I.ning cho‘ntagidagi "zajigalka" tagiga yopishtirilgan, jigar rangli, o‘tkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro N.I. va aniqlangan modda Bektemir tumani IIO FMBga topshirilgan.

- 2021-yil 22-dekabr kuni soat 23:20 larda, Bektemir tumanida joylashgan “Bektemir” YPX maskanida xizmat olib borayotgan YPX xodimi I.Mambetov tomonidan, Toshkent viloyatidan poytaxtga kirib kelayotgan "Cobalt" rusumli avtomobil to‘xtatilib tekshirilganda, haydovchi, 1989-yilda tug‘ilgan J.B. hamda yo‘lovchi, 1993-yilda tug‘ilgan L.M. o‘zlarining ko‘rinishlari va xatti-harakatlari bilan xodimda shubha uyg‘otishgan. Xolis va guvohlar ishtirokidagi tekshiruvlar mobaynida haydovchi va yo‘lovchining yonidan, selofanga o‘ralgan, jigar rangli, o‘tkir hidli, saqichsimon moddalar topilgan.

Mazkur holat yuzasidan tegishli hujjatlar rasmiylashtirilib, fuqarolar va aniqlangan moddalar Bektemir tumani IIO FMBga topshirilgan.

Yo‘llardagi tekshiruvlar davom etmoqda.