ЙПХ ходимлари томонидан текширувлар давомида:

- 2021 йил 22 декабрь куни соат 13:20 ларда, Бектемир туманида жойлашган “Шарқ” ЙПХ масканида хизмат олиб бораётган ЙПХ ходимлари C.Топилов ва Б.Нугмоновлар томонидан, Тошкент вилоятидан пойтахтга кириб келаётган "Spark" русумли автомобиль тўхтатилиб, холис ва гувоҳлар иштирокида текширилганида, ҳайдовчи, 1988 йилда туғилган Н.И.нинг чўнтагидаги "зажигалка" тагига ёпиштирилган, жигар рангли, ўткир ҳидли, сақичсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро Н.И. ва аниқланган модда Бектемир тумани ИИО ФМБга топширилган.

- 2021 йил 22 декабрь куни соат 23:20 ларда, Бектемир туманида жойлашган “Бектемир” ЙПХ масканида хизмат олиб бораётган ЙПХ ходими И.Мамбетов томонидан, Тошкент вилоятидан пойтахтга кириб келаётган "Cobalt" русумли автомобиль тўхтатилиб текширилганда, ҳайдовчи, 1989 йилда туғилган Ж.Б. ҳамда йўловчи, 1993 йилда туғилган Л.М. ўзларининг кўринишлари ва хатти-ҳаракатлари билан ходимда шубҳа уйғотишган. Холис ва гувоҳлар иштирокидаги текширувлар мобайнида ҳайдовчи ва йўловчининг ёнидан, целлофанга ўралган, жигар рангли, ўткир ҳидли, сақичсимон моддалар топилган.

Мазкур ҳолат юзасидан тегишли ҳужжатлар расмийлаштирилиб, фуқаролар ва аниқланган моддалар Бектемир тумани ИИО ФМБга топширилган.

Йўллардаги текширувлар давом этмоқда.