Yoʻllardagi tekshiruvlar davomida:

- 2022-yil 5-yanvar kuni soat 21:00 larda, Bektemir tumanida joylashgan “Bektemir” YPX maskanida xizmat olib borayotgan YPX xodimlari R.Tilepov va B.Rustamovlar tomonidan, Toshkent viloyatidan poytaxtga kirib kelayotgan “Cobalt” rusumli avtomobil toʻxtatilib, xolis va guvohlar ishtirokida tekshirilganida, yoʻlovchisi, 2000-yilda tugʻilgan S.M.ning yonidan selofanga solingan va 1000 soʻmlik pul kupyurasiga oʻralgan, yashil rangli, oʻtkir hidli, quritilgan oʻsimlik moddalari topilgan.

Mazkur holat yuzasidan tegishli hujjatlar rasmiylashtirilib, fuqaro S.M. va aniqlangan moddalar Bektemir tumani IIO FMBga topshirilgan.

- 2022-yil 5-yanvar kuni soat 23:10 larda, Uchtepa tumanida xizmat olib borayotgan YPX xodimi A.Allayev tomonidan, Farxod koʻchasidan harakatlanib kelayotgan “Nexia” rusumli avtomobil toʻxtatilib, xolis va guvohlar ishtirokida tekshirilganida, yoʻlovchisi, 1983-yilda tugʻilgan M.Q.ning yonidan 50.000 soʻmlik pul kupyurasiga oʻralgan, jigar rangli, oʻtkir hidli, quritilgan oʻsimlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro M.Q. va aniqlangan modda Uchtepa tumani IIO FMBga topshirilgan.

Tekshiruvlar davom etmoqda.