Yo‘llardagi tekshiruvlar davomida:

- 2021-yil 20-dekabr kuni soat 14:00 larda, Bektemir tumanida joylashgan “Bektemir” YPX maskanida xizmat olib borayotgan, YPX xodimlari F.Ro‘zboyev va B.Rustamovlar tomonidan, Toshkent viloyatidan poytaxtga kirib kelayotgan "Matiz" rusumli avtomobil to‘xtatilib, xolis va guvohlar ishtirokida tekshirilganida, yo‘lovchisi, 1998-yilda tug‘ilgan Q.E.ning sumkasidan 8 dona “Золотой песок”, 11 dona “Салют”, 10 dona “Хлопушка”, 1 qutida 60 dona “Петарды” nomli pirotexnika vositalari borligi aniqlangan.

Mazkur holat yuzasidan tegishli hujjatlar rasmiylashtirilib, fuqaro Q.E. va aniqlangan pirotexnika vositalari Bektemir tumani IIO FMBga topshirilgan.

- 2021-yil 20-dekabr kuni soat 23:30 larda, Bektemir tumanida xizmat olib borayotgan YPX xodimlari I.Azimov va A.O‘tbosarovlar tomonidan, Aray ko‘chasi bo‘ylab harakatlanib kelayotgan "Matiz" rusumli avtomobil to‘xtatilib tekshirilganida, haydovchi, 1980-yilda tug‘ilgan M.G. o‘z ko‘rinishi va xatti-harakatlari bilan xodimlarda shubha uyg‘otgan. Xolis va guvohlar ishtirokidagi teshiruvlar davomida avtomobil salonidan, 2 dona “Tropikamid” hamda 8 dona “Regapen” nomli psixotrop dori vositalari borligi aniqlangan.

Mazkur holat yuzasidan tegishli hujjatlar rasmiylashtirilib, fuqaro M.G. va aniqlangan vositalar Bektemir tumani IIO FMBga topshirilgan.

Yo‘llardagi tekshiruvlar davom etmoqda.