2022-yil 12-fevral kuni Samarqand tumani hududidan o‘tuvchi M-39 avtomobil yo‘lining 1091-kilometrida xizmat olib borayotgan YPX xodimlari A.Xojiyev va Q.Mahmudovlar tomonidan "Nexia" rusumli avtomobil haydovchisi to‘xtatilgan. Tekshiruv davomida haydovchi o‘zining turli xatti-harakatlari bilan xodimlarda shubha uyg‘otgan. Xolis va guvohlar ishtirokidagi tekshiruvda esa transport vositasining salonidan selofanga solingan hamda qog‘ozga o‘ralgan, yashil rangli, o‘tkir hidli giyohvandlikka o‘xshash modda topilgan.

Holat bo‘yicha tegishli hujjatlar rasmiylashtirilib, haydovchi va topilgan modda tuman IIBga topshirilgan.

Tekshiruvlar davom etmoqda...