Tekshiruvlar davomida:

- 2022-yil 22-may kuni soat 00:10 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari N.Dosimov va J.Toʻraboyevlar tomonidan Toshkent viloyatidan poytaxtga kirib kelayotgan “Matiz” rusumli avtomobil toʻxtatilganda, salonda boʻlgan yoʻlovchi, 1988-yilda tugʻilgan X.S. koʻrinishidan xodimlarda shubha uygʻotgan. Xolis va guvohlar ishtirokidagi tekshiruv davomida yoʻlovchi X.S.ning yonidan gugurt qutisiga solingan, 3 dona jigar rangli, oʻtkir hidli, saqichsimon moddalar topilgan.

Mazkur holat yuzasidan tegishli hujjatlar rasmiylashtirilib, fuqaro X.S. va topilgan moddalar Bektemir tumani IIO FMBga topshirilgan.

- 2022-yil 22-may kuni soat 22:50 larda, Shayxontohur tumaniga xizmatga jalb etilgan YPX xodimlari R.Tolibov va D.Dadaboyevlar tomonidan Koʻksaroy koʻchasi boʻylab harakatlanib kelayotgan “Nexia” rusumli avtomobil toʻxtatilib tekshirilganda, salonda boʻlgan yoʻlovchi, 1979-yilda tugʻilgan A.N. turli xatti-harakatlari bilan xodimlarda shubha uygʻotgan. Xolis va guvohlar ishtirokidagi tekshiruvlar davomida yoʻlovchi A.N.ning yonidan, 1000 soʻmlik pul kupyurasiga oʻralgan, selofanga solingan, oq rangli, oʻtkir hidli, kukunsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro A.N. va topilgan modda Shayxontohur tumani IIO FMB 5-sonli IIBga topshirilgan.

Yoʻllarda tekshiruvlar davom etmoqda...