Текширувлар давомида:

- 2022 йил 22 май куни соат 00:10 ларда, Бектемир туманида жойлашган “Шарқ” ЙПХ масканида хизмат олиб бораётган ЙПХ ходимлари Н.Досимов ва Ж.Тўрабоевлар томонидан Тошкент вилоятидан пойтахтга кириб келаётган "Matiz" русумли автомобиль тўхтатилганда, салонда бўлган йўловчи, 1988 йилда туғилган Х.С. кўринишидан ходимларда шубҳа уйғотган. Холис ва гувоҳлар иштирокидаги текширув давомида йўловчи Х.С.нинг ёнидан гугурт қутисига солинган, 3 дона жигар рангли, ўткир ҳидли, сақичсимон моддалар топилган.

Мазкур ҳолат юзасидан тегишли ҳужжатлар расмийлаштирилиб, фуқаро Х.С. ва топилган моддалар Бектемир тумани ИИО ФМБга топширилган.

- 2022 йил 22 май куни соат 22:50 ларда, Шайхонтоҳур туманига хизматга жалб этилган ЙПХ ходимлари Р.Толибов ва Д.Дадабоевлар томонидан Кўксарой кўчаси бўйлаб ҳаракатланиб келаётган "Nexia" русумли автомобиль тўхтатилиб текширилганда, салонда бўлган йўловчи, 1979 йилда туғилган А.Н. турли хатти-ҳаракатлари билан ходимларда шубҳа уйғотган. Холис ва гувоҳлар иштирокидаги текширувлар давомида йўловчи А.Н.нинг ёнидан, 1000 сўмлик пул купюрасига ўралган, целлофанга солинган, оқ рангли, ўткир ҳидли, кукунсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро А.Н. ва топилган модда Шайхонтоҳур тумани ИИО ФМБ 5-сонли ИИБга топширилган.

Йўлларда текширувлар давом этмоқда...