YPX xodimlari tomonidan tekshiruvlar davomida:

- 2022-yil 26-fevral kuni soat 20:00 larda, Yakkasaroy tumanida xizmat olib borayotgan YPX xodimi N.Mirzamaxmudov tomonidan, Shota Rustaveli koʻchasi boʻylab harakatlanib kelayotgan “Nexia-3” rusumli avtomobil toʻxtatilib tekshirilganda, haydovchi, 1998-yilda tugʻilgan A.E. oʻzining koʻrinishi va xatti-harakatlari bilan xodimda shubha uygʻotgan. Xolis va guvohlar ishtirokidagi tekshiruvlar mobaynida, avtomobil salonidan 2 dona giyohvandlik moddalarni isteʼmol qilish uchun yasalgan lampochkalar, 2 dona nomaʼlum dori vositalari va 5 dona selofanlarga solingan oq rangli, oʻtkir hidli, kukunsimon moddalar topilgan.

Mazkur holat yuzasidan tegishli hujjatlar rasmiylashtirilib, fuqaro A.E. va aniqlangan vositalar Yakkasaroy tumani IIO FMBga topshirilgan.

- 2022-yil 26-fevral kuni soat 23:50 larda, Mirobod tumanida xizmat olib borayotgan YPX xodimi D.Bobobekov tomonidan, Shahrisabz koʻchasi boʻylab harakatlanib kelayotgan, haydovchi, 1993-yilda tugʻilgan S.X. boshqaruvidagi “Cobalt” rusumli avtomobil toʻxtatilib, xolis va guvohlar ishtirokida tekshirlganda avtomobil salonidan, selofanga oʻralgan jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro S.X. va aniqlangan modda Mirobod tumani IIO FMBga topshirilgan.

Yoʻllarda tekshiruvlar davom etmoqda...