ЙПХ ходимлари томонидан текширувлар давомида:

- 2022 йил 26 февраль куни соат 20:00 ларда, Яккасарой туманида хизмат олиб бораётган ЙПХ ходими Н.Мирзамахмудов томонидан, Шота Руставели кўчаси бўйлаб ҳаракатланиб келаётган "Nexia-3" русумли автомобиль тўхтатилиб текширилганда, ҳайдовчи, 1998 йилда туғилган А.Э. ўзининг кўриниши ва хатти-ҳаракатлари билан ходимда шубҳа уйғотган. Холис ва гувоҳлар иштирокидаги текширувлар мобайнида, автомобиль салонидан 2 дона гиёҳвандлик моддаларни истеъмол қилиш учун ясалган лампочкалар, 2 дона номаълум дори воситалари ва 5 дона целлофанларга солинган оқ рангли, ўткир ҳидли, кукунсимон моддалар топилган.

Мазкур ҳолат юзасидан тегишли ҳужжатлар расмийлаштирилиб, фуқаро А.Э. ва аниқланган воситалар Яккасарой тумани ИИО ФМБга топширилган.

- 2022 йил 26 февраль куни соат 23:50 ларда, Миробод туманида хизмат олиб бораётган ЙПХ ходими Д.Бобобеков томонидан, Шаҳрисабз кўчаси бўйлаб ҳаракатланиб келаётган, ҳайдовчи, 1993 йилда туғилган С.Х. бошқарувидаги "Cobalt" русумли автомобиль тўхтатилиб, холис ва гувоҳлар иштирокида текширлганда автомобиль салонидан, целлофанга ўралган жигар рангли, ўткир ҳидли, сақичсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро С.Х. ва аниқланган модда Миробод тумани ИИО ФМБга топширилган.

Йўлларда текширувлар давом этмоқда...