Yo‘llarda tartibni saqlash va jinoyatchilikka qarshi kurashish maqsadida tashkil etilayotgan reyd tadbirlari davomida:

- 2021-yil 27-sentabr kuni soat 23:50 larda Yashnobod tumani, Parkent ko‘chasida YPX inspektorlari A. O‘tbosarov va S. Ahmadjonovlar tomonidan “Lacetti” rusumli avtomobil to‘xtatilib tekshirilganda, haydovchi, 1986-yilda tug‘ilgan D. U. turli xatti-harakatlari bilan xodimlarda shubxa uyg‘otgan. Xolis va guvohlar ishtirokidagi tekshiruv davomida transport vositasi salonidan 2 dona syellofan paketga solingan, oq va sariq rangli, kukunsimon moddalar topilgan.

Mazkur holat yuzasidan tegishli hujjatlar rasmiylashtirilib, fuqaro D. U. va topilgan modda Yashnobod tumani IIO FMBga topshirilgan.

- 2021-yil 27-sentabr kuni soat 00:30 larda Yashnobod tumani, Mirzo Ulug‘bek ko‘chasida YPX xodimlari S. Topilov va A. Tursunboyevlar tomonidan “Spark” rusumli avtomobil to‘xtatilib tekshirilganda, haydovchi, 1990-yilda tug‘ilgan I. G. ko‘rinishidan xodimlarda shubxa uyg‘otgan. Xolis va guvohlar ishtirokidagi tekshiruv davomida fuqaro I. G. ning chap oyoq paypog‘i ichidan syellofanga o‘ralgan, yashil rangli, kukunsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro I. G. va topilgan modda Yashnobod tumani IIO FMBga topshirilgan.

- 2021-yil 28-sentabr kuni soat 01:30 larda Olmazor tumani, Olmazor ko‘chasida YPX xodimlari Gʻ. Usmonov va R. Mahamadjonovlar tomonidan “Nexia” rusumli avtomobil to‘xtatilib tekshirilganda, haydovchi, 1995-yilda tug‘ilgan B. M. turli xatti-harakatlari bilan xodimlarda shubxa uyg‘otgan. Xolis va guvohlar ishtirokidagi tekshiruv davomida avtomobil salonidan, haydovchi o‘rindig‘i tagidan gugurt qutisi ichida, syellofanga o‘ralgan, yashil rangli, o‘tkir hidli, quritilgan o‘simlik moddalari topilgan.

Mazkur holat yuzasidan tegishli hujjatlar rasmiylashtirilib, haydovchi B. M. va topilgan modda Olmazor tumani IIO FMBga topshirilgan.

- 2021-yil 27-sentyabr kuni soat 16:00 larda, Bektemir tumani IIO FMB JQB va YPX xodimlari hamkorligidagi reyd tadbirlari davomida O‘zbekiston Respublikasi Jinoyat Kodeksining 277-moddasi 2-qismi “a” bandida ko‘rsatilgan jinoyatni sodir etganlikda aybdor deb topilib, 2021-yil 9-iyun kunidan buyon qidiruvda bo‘lgan, 1993 yilda tug‘ilgan D. J. tuman hududida ushlangan va IIO FMBga topshirilgan.