Yoʻllardagi teshiruvlar davomida:

- 2021-yil 31-dekabr kuni soat 01:00 larda, Uchtepa tumanida joylashgan “Nazarbek” blok-postida xizmat olib borayotgan YPX xodimlari T.Shodiyev va B.Raimxodjayevlar tomonidan, Toshkent viloyatidan poytaxtga kirib kelayotgan “Cobalt” rusumli avtomobil toʻxtatilib, xolis va guvohlar ishitirokida tekshirilganida, avtomobil salonidan selofanga solingan, och jigar rangli, oʻtkir hidli, kukunsimon modda topilgan.

Mazkur holat yuzasidan tegishli hujjatlar rasmiylashtirilib, haydovchi, 1993-yilda tugʻilgan F.Q. va aniqlangan modda Uchtepa tumani IIO FMBga topshirilgan.

- 2021-yil 30-dekabr kuni soat 09:50 larda, Chilonzor tumanida joylashgan “Humo Arena” muz saroyi oldida xizmat olib borayotgan YPX xodimi Gʻ.Rustamov tomonidan, piyoda, 1987-yilda tugʻilgan F.M. toʻxtatilib, uning maʼlumotlari planshet moslamasi yordamida, maxsus dastur orqali tekshirilganida, fuqaro F.M. Oʻzbekiston Respublikasi Jinoyat Kodeksining 168-moddasi 2-qismi bilan ayblanib, 2021-yil 26-noyabr kunidan buyon qidiruvda ekanligi maʼlum boʻlgan.

Tegishli hujjatlar rasmiylashtirilib, fuqaro F.M. Chilonzor tumani IIO FMBga topshirilgan.

- 2021-yil 30-dekabr kuni soat 11:20 larda, M.Ulugʻbek tumanida xizmat olib borayotgan YPX xodimi M.Nazarov tomonidan, Shahrobod koʻchasida piyoda harakatlanib kelayotgan, 1977-yilda tugʻilgan F.B. toʻxtatilib, uning maʼlumotlari planshet moslamasi yordamida, maxsus dastur orqali tekshirilganida, fuqaro F.B. Oʻzbekiston Respublikasi Jinoyat Kodeksining 168-moddasi 2-qismi bilan ayblanib, 2021-yil 4-dekabr kunidan buyon qidiruvda ekanligi maʼlum boʻlgan.

Tegishli hujjatlar rasmiylashtirilib, fuqaro F.B. Chilonzor tumani IIO FMBga topshirilgan.

Yoʻllardagi tekshiruvlar davom etmoqda.