YPX xodimlari tomonidan tekshiruvlar davomida:

- 2021-yil 17-dekabr kuni soat 22:50 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari B.Nug‘monov va D.Jurayevlar tomonidan, Toshkent viloyatidan poytaxtga kirib kelayotgan, haydovchi, 1983-yilda tug‘ilgan A.S. boshqaruvidagi "Lacetti" rusumli avtomobil to‘xtatilib, xolis va guvohlar ishtirokida tekshirilganda, haydovchi A.S.ning cho‘ntagidan saqich selofaniga o‘ralgan, jigar rangli, o‘tkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro A.S. va aniqlangan modda Bektemir tumani IIO FMBga topshirilgan.

- 2021-yil 18-dekabr kuni soat 03:30 larda, Bektemir tumanida xizmat olib borayotgan YPX xodimlari A.O‘tbosarov va D.Kuttiboyevlar tomonidan, Aray ko‘chasi bo‘ylab harakatlanib kelayotgan "Cobalt" rusumli avtomobil to‘xtatilib tekshirilganda, haydovchi, 1996-yilda tug‘ilgan Sh.R. o‘zining ko‘rinishi va xatti-harakatlari bilan xodimlarda shubha uyg‘otgan. Xolis va guvohlar ishtirokidagi tekshiruvlar davomida avtomobil yukxonasidan 3 dona “Tropikamid”, 19 ta konvalyutada 190 dona ”Selofen” nomli va 72 dona konvalyutada 1008 dona “Peregabalin” nomli psixotrop dori vositalari aniqlangan.

Mazkur holat yuzasidan tegishli hujjatlar rasmiylashtirilib, fuqaro Sh.R. va aniqlangan vositalar Bektemir tumani IIO FMBga topshirilgan.

Yo‘llardagi tekshiruvlar davom etmoqda.