Ijtimoiy tarmoqda bir qancha transport vositalarining haydovchilari toʻy marosimida guruh-guruh boʻlib harakatlanib, boshqa harakat qatnashchilarining erkin va xavfsiz harakatiga toʻsqinlik qilganligi aks etgan video tarqaldi.

Video Namangan viloyati IIB JXX YHXB xodimlari tomonidan oʻrganilib, holat 2022-yil 17-iyul kuni Namangan shahar hududidan oʻtgan 4R-112 “Fargʻona xalqa yoʻli” avtomobil yoʻlining 75-80 kilometrlari oraligʻida, “Lola-Davlatobod tumani” yoʻnalishida, fuqaro S.M.ning toʻy marosimi vaqtida sodir etilganligi aniqlandi.

Qoidabuzarlar:

1) “Mercedes-Benz” rusumli, 50Z505QA davlat raqam belgili;
2) “Mercedes-Benz” rusumli, 50Z222NA davlat raqam belgili;
3) “Mercedes-Benz” rusumli, 50R111NA davlat raqam belgili;
4) “Mercedes-Benz” rusumli, 50P500QA davlat raqam belgili;
5) “Damas” rusumli, 50643GBA davlat raqam belgili avtomobil haydovchilariga nisbatan Oʻzbekiston Respublikasi Maʼmuriy javobgarlik toʻgʻrisidagi Kodeksning 129-moddasi 1-qismi tartibda maʼmuriy bayonnoma rasmiylashtirildi.

Shuningdek, “Lacetti” rusumli, 50Z101CB davlat raqam belgili avtomobil haydovchisi, 2003-yilda tugʻilgan A.A.ga nisbatan Oʻzbekiston Respublikasi Maʼmuriy javobgarlik toʻgʻrisidagi Kodeksning 127-modda 2-qism, 128⁵-modda 2-qism hamda 129-modda 1-qism tartibida maʼmuriy bayonnoma rasmiylashtirildi.

Barcha haydovchilardan qoidalarga qatʼiy rioya qilishlarini soʻraymiz. Har qanday qoidabuzarlik uchun jazo chorasi muqarrardir.