Respublikamiz avtomobil yoʻllarida harakat xavfsizligini taʼminlash, harakat ishtirokchilarini yoʻl harakati qoidalariga va madaniyatiga qatʼiy rioya qilishlari borasida “#Harakatlanish_madaniyati_uchun” mavzusida oʻtkazilgan chellendjda faol ishtirok etgan, bugungi kundagi dolzarb mavzularni olib chiqganliklari uchun bir guruh yurtdoshlarimiz Ichki ishlar vazirligi Jamoat xavfsizligi departamenti Yoʻl harakati xavfsizligi xizmatining tashakkurnomasi va esdalik sovgʻalari bilan munosib taqdirlandilar:

1-oʻrin - Mashrapov Otabek Xojiakbar oʻgʻli, tashakkurnoma va esdalik qoʻl soati bilan;

2-oʻrin - Mirzabekov Bekzod Turdibek oʻgʻli, tashakkurnoma va planshet bilan;

3-oʻrin - Babadjanov Shovkat Muxitdinovich, tashakkurnoma va chang yutgich bilan taqdirlandilar.

Bundan tashqari, 2-oʻrinni egallagan fuqaro Abduvoxidov Muhammadali Xotam oʻgʻli va 3-oʻrinni egallagan fuqaro Xayriddinova Matluba Xalimjanovnalarga beriladigan tashakkurnoma va esdalik sovgʻalari, shuningdek, chellendjda faol ishtirok etgan fuqarolar Gafurov Abdulaziz Yodgor oʻgʻli, Mirzobayev Zoirdjon Furkatovich, Baxriddinov Zokir Toxirovich, Yusupov Xotamjon Abduvoxidovichlarga Yoʻl harakati xavfsizligi xizmatining tashakkurnomalari hududiy YHXBlari tomonidan topshiriladi.

Yoʻllarda qoidalarga rioya qilgan holda va madaniyat bilan harakatlanishni targʻib etish maqsadida ushbu chellendjda faol ishtirok etgan barcha qatnashchilarga oʻz minnatdorchiligimizni bildiramiz.

Oʻzbekiston Respublikasi IIV JXD YHXX Axborot xizmati