O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining xabariga ko‘ra, Bosh prokuratura huzuridagi Departamentning Zarbdor tuman bo‘limi tomonidan DXX xodimlari bilan hamkorlikda o‘tkazilgan tezkor tadbirda fuqaro N.D. fuqaro D.T.ning ishonchiga kirib, unga 1 200 AQSH dollari evaziga tanishlari yordamida haydovchilik guvohnomasi olib berishini aytib, oldindan 800 AQSH dollarini olgan vaqtida ashyoviy dalillar bilan ushlangan.

Shu kabi, Departamentning Rishton tuman bo‘limi tomonidan DXX va IIB xodimlari bilan hamkorlikda o‘tkazilgan tezkor tadbirda “A.I.” MCHJ rahbari Sh.I. fuqaro Z.T.ga yuqori lavozimda ishlovchi tanishlari yordamida “V” toifadagi haydovchilik guvohnomasi olib berish evaziga 900 AQSH dollarini olgan vaqtida ashyoviy dalillar bilan ushlangan.

Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.