Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining xabariga koʻra, Bosh prokuratura huzuridagi Departamentning Hazorasp tuman boʻlimi tomonidan DXX va IIB xodimlari bilan hamkorlikda oʻtkazilgan tezkor tadbirda, fuqarolar M.M. va N.A. 2 nafar fuqaroni haydovchilik guvohnomasi olishlari uchun boʻladigan imtihondan goʻyoki Ichki ishlar organlarida ishlovchi tanishlari yordamida oʻtkazib qoʻyish evaziga 1 000 AQSH dollarini olgan vaqtlarida ashyoviy dalilar bilan ushlanganlar.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qoʻzgʻatilib, tergov harakatlari oʻtkazilmoqda.