Xususan, Termiz shahrining Navro‘z mahallasida yashovchi fuqarolarning murojaatiga asosan, piyodalar, ayniqsa maktab o‘quvchilari, keksa va nogironligi bo‘lgan shaxslarning xavfsiz harakatlanishini ta’minlash maqsadida zamonaviy tugmachali svetofor qurilmasi o‘rnatildi. Ushbu svetofor fuqarolarning yo‘lni ishonchli va xavfsiz kesib o‘tishiga qulaylik yaratadi.

Bundan tashqari, Termiz tumanidagi Soliobod mahallasida joylashgan 2-sonli maktabgacha ta’lim tashkiloti yo‘l yoqasida joylashganligi sababli, bog‘cha tarbiyalanuvchilarining harakat xavfsizligini ta’minlash maqsadida maxsus “BDO-3” beton to‘siqlarini o‘rnatish bo‘yicha aniq topshiriqlar berildi. Bu orqali bolalarning hayoti va sog‘ligini muhofaza qilish hamda ushbu hududda transport harakatini tartibga solish ko‘zda tutilgan.

Shuningdek, "Termiz – Namuna" aeroport yo‘nalishining 12-km va "Termiz – Jarqo‘rg‘on" yo‘nalishining 5-km joylashgan chorrahalarda fuqarolar murojaatlari asosida yo‘l-transport hodisalarining oldini olish, avtotransport oqimini tartibga solish va harakat intizomini mustahkamlash maqsadida zamonaviy svetofor qurilmalari o‘rnatildi.

Shu bilan birga viloyatning Angor hamda Muzrabot tumanlarida piyodalar uchun tashkil etilayotgan trotuar hamda yo‘lni sun’iy yorituvchi quyosh panellarida ishlovchi zamonaviy yoritish chiroqlari o‘rnatilib foydalanishga topshirildi.

Yuqoridagi sa’y-harakatlar aholining real ehtiyojlari asosida, ularning murojaatlarini inobatga olgan holda amalga oshirilgani aholining chuqur minnatdorchiligiga sabab bo‘ldi. Ayniqsa, mahalla faollari, ota-onalar va yoshlar bu kabi o‘zgarishlarni ijobiy kutib olib, yo‘l infratuzilmasini zamonaviylashtirish bo‘yicha olib borilayotgan ishlarga yuqori baho berishmoqda.

O‘rganishlar davom etmoqda...