Hurmatli fuqarolar, hududiy Yoʻl harakati xavfsizligi boshqarmalari roʻyxatdan oʻtkazish va imtihon olish boʻlinmalari “Navroʻz” umumxalq bayramidagi dam olish kunlarida hamda yakshanba kunlari ham ish faoliyatida boʻlishini, ushbu kunlarda eski namunadagi guvohnomalarni yangisiga almashtirishingiz mumkinligini maʼlum qilamiz.

Eski namunadagi guvohnomalar berilgan sanasiga muvofiq almashtiriladi:

- 2010-yilgacha boʻlgan davrda berilganlari — 2023-yil 31-martgacha;

- 2010 - 2012-yillarda berilganlari — 2023-yil 30-iyungacha;

- 2013 - 2015-yillarda berilganlari — 2023-yil 30-sentabrgacha;

- 2015-yildan keyin berilganlari - 2023-yil 31-dekabrgacha.