Poytaxtimizning Shayxontohur tumanida joylashgan "Tashkent city" bog‘ida o‘tkazilishi rejalashtirilgan yangi yil bayrami tadbirlari munosabati bilan, 2024-yil 25-dekabr kunidan 2025-yil 10-yanvar kuniga qadar O‘qchi, Yangi Toshkent, Zargar ko‘chalarida transport vositalarining harakatlanishiga cheklov kiritildi.

Shu munosabat bilan haydovchilardan yondosh ko‘chalardan harakatlanishlarini so‘rab qolamiz.

Shuningdek, "Tashkent city" bog‘ida o‘tkazilayotgan bayram tadbirlariga tashrif buyurish istagida bo‘lgan fuqarolar, Islom Karimov ko‘chasi orqali "SQB" va "Asaka" banklari, Furqat ko‘chasi orqali "Boulevard" aholi turar joy kompleksi, Botir Zokirov va Zargar ko‘chalari orqali "Tashkent city Mall" ko‘ngilochar savdo majmuasining yer osti avtoturargohlariga o‘z avtomobillarini joylashtirishlari mumkin.