Пойтахтимизнинг Шайхонтоҳур туманида жойлашган "Tashkent city" боғида ўтказилиши режалаштирилган янги йил байрами тадбирлари муносабати билан, 2024 йил 25 декабрь кунидан 2025 йил 10 январь кунига қадар Ўқчи, Янги Тошкент, Заргар кўчаларида транспорт воситаларининг ҳаракатланишига чеклов киритилди.

Шу муносабат билан ҳайдовчилардан ёндош кўчалардан ҳаракатланишларини сўраб қоламиз.

Шунингдек, "Tashkent city" боғида ўтказилаётган байрам тадбирларига ташриф буюриш истагида бўлган фуқаролар, Ислом Каримов кўчаси орқали "SQB" ва "Асака" банклари, Фурқат кўчаси орқали "Boulevard" аҳоли турар жой комплекси, Ботир Зокиров ва Заргар кўчалари орқали "Tashkent city Mall" кўнгилочар савдо мажмуасининг ер ости автотураргоҳларига ўз автомобилларини жойлаштиришлари мумкин.